Pavlodar oblysynda sýǵa batyp ketken jattyqtyrýshynyń denesi Aqsý ózeninen tabyldy, dep habarlaıdy Egemen.kz.
«VITA» izdestirý jasaǵynyń eriktileriniń aıtýynsha, saǵat 16:30-da máıitti balyqshy taýyp alǵan.
Oblystyq tótenshe jaǵdaılar departamenti qaıtys bolǵan jattyqtyrýshyny saǵat 16:53-te sýdan shyǵardy.
Eske salaıyq, 27 jastaǵy pavlodarlyq balyq aýlaý kezinde abaısyzda sýǵa qulap ketken. Jaqyn jerde onyń dosy bolǵan, biraq jigit júzýdi bilmeıtin. Qutqarýshylardyń aıtýynsha, Roman Bogdanov qulaǵan jeriniń tereńdigi 12 metrge jetedi. Jattyqtyrýshyny qutqarýshylar toby, polıseıler, eriktiler jáne onyń týystary men dostary alty kún boıy izdestirgen.