Úndistannyń Sekýnderabad qalasyndaǵy qonaqúıge irgeles ornalasqan elektr kólikteri bar kórme zalynda bolǵan órt saldarynan segiz adam qaza tapty, dep habarlaıdy Egemen.kz India Today agenttigine silteme jasap.
«Polısııa kelgen kezde kórme zaly men qonaqúı qoıý tútinge tolǵan. О́rt sóndirýshiler baspaldaqtyń kómegimen birneshe adamdy aman alyp qaldy. Qutqarýshylar joǵaryǵa kóterilip, es-tússiz jatqan alty adamdy alyp shyqqan», dedi jergilikti polısııa ókili Dıptı Chandana.
Zardap shekkenderdiń barlyǵy ǵımaratta ornalasqan qonaqúı qonaqtary. О́rt kezinde onda 25 adam bolǵan. Keıbireýleri ózdiginen shyǵyp úlgergen. Eki adam terezeden sekirip ketti.
Polısııa oqıǵanyń mán-jaıyn anyqtap jatyr. Boljam boıynsha, órtke túnde zarıadtaýǵa qaldyrylǵan elektr kóligi sebep bolýy múmkin.