Fýtboldan Qazaqstan chempıonatynyń aıaqtalýyna jeti týr qalǵanda «Astana» klýbynyń bas bapkeri aýysty.
Osyǵan deıin bul qyzmetti 49 jastaǵy serbııalyq maman Srdjan Blagoevıch atqarǵan edi. Endi onyń ornyna Grıgorıı Babaıan keldi. Ol – Qazaqstannyń týmasy. Jasy 42-de. Kezinde Babaıan elimizdiń jasóspirimder quramasynda oınady. Keıinnen Germanııada sheberligin shyńdady. 2003-2005 jyldary «Qaırat» pen «Almaty» klýbtarynyń jeıdesin kıdi. Kóp uzamaı jattyqtyrýshylyq kásipti tańdap, «Astana» men Qostanaıdyń «Tobylynda» bas bapkerdiń kómekshisi boldy. Sońǵy ýaqytta Máskeýdiń SSKA-synda biraz eńbek etti.