Jyl basynan beri ǵalamtorda qyzmet kórsetetin sheteldik kompanııalar, sondaı-aq ınternet arqyly jeke tulǵalarǵa taýarlardy satatyn sheteldik saýda alańdary qosylǵan qun salyǵyn nemese GOOGLE salyǵyn tóleýi kerek, dep habarlaıdy Egemen.kz QR QM Memlekettik kirister komıtetine silteme jasap.
Vedomstvo habarlaǵandaı, búginde GOOGLE salyǵyn tóleıtin sheteldik kompanııa úshin tirkeý talaptary jeńildetilgen. Máselen, tirkeý esebine turý úshin sheteldik kompanııa QR QM Memlekettik kirister komıtetine hat jiberse jetkilikti. Sol arqyly olar shartty tirkeýden ótedi.
Osylaısha, jyl basynan beri 37 sheteldik kompanııa, sonyń ishinde Apple, Meta, Google, Ebay, Amazon sııaqty basqa da iri álemdik kompanııalar shartty tirkeýden ótti. 2022 jyldyń basynan bastap atalǵan kompanııalar 6,1 mlrd teńge somasyna salyq tóledi.
Eń iri salyq somalaryn Irlandııanyń rezıdentteri «Meta Platforms Ireland Limited» (1,6 mlrd teńge) jáne «Apple Distribution International Limited » (1,1 mlrd teńge), sondaı-aq AQSh rezıdenti «OOO iHerb» (1,4 mlrd teńge) tólegen.
«Salyq deklarasııasyn tapsyrýdyń qajeti joq, aıyppuldar men salyqtyq ákimshilendirýdiń basqa da kúrdeli tetikteri joq ekenin atap ótken jón. Munyń bári taýarlarmen elektrondy saýdany júzege asyratyn nemese qazaqstandyq satyp alýshynyń atyna elektrondyq qyzmetter kórsetetin sheteldik kompanııa úshin Qazaqstan Respýblıkasyndaǵy salyq mindettemeleriniń oryndalýyn ońaılatý maqsatynda jasaldy», delingen MKK aqparatynda.