Bul týraly Qyrǵyzstannyń Ulttyq qaýipsizdik memlekettik komıtetiniń Shekara qyzmeti habarlady, dep jazady Egemen.kz 24.kg saıtyna silteme jasap.
Jaýapty mınıstrliktiń málimetinshe, oqıǵa 14 qyrkúıekte Batken oblysynyń Bulaq-Bashy aýdanynda bolǵan. Vedomstvo málimetinde Tájikstannyń áskerı qyzmetshileri taraptar arasyndaǵy kelisimderdi buza otyryp, memlekettik shekaranyń belgilenbegen ýchaskesinde jaýyngerlik pozısııalarǵa shyqqany týraly aıtylǵan.
«Qyrǵyz tarapynyń aýmaqtan shyǵý týraly talaptaryn elemeı, tájik shekarashylary oq jaýdyrdy. Buǵan jaýap retinde Qyrǵyz Respýblıkasynyń shekarashylary da qarý qoldanǵan. Atys bastalyp, onyń barysynda tájik tarapy mınomet qoldandy. Saǵat 9:30-daǵy jaǵdaı boıynsha dúrkin-dúrkin atys bolyp jatyr. Aldyn ala málimet boıynsha, qyrǵyz tarapynan qurbandar men zardap shekkender joq. Oqıǵa ornyna Batken shekara otrıadynyń bastyǵy attandy. Shekara qyzmetiniń Batken oblystyq basqarmasynyń bastyǵy, polkovnık Qııalbek Tólenbaev pen Tájikstan Respýblıkasy Shekara áskerleriniń Soǵdy oblystyq basqarmasynyń bastyǵy, general-maıor H.Pırakzoda qaqtyǵystyń órshýine jol bermeý maqsatynda telefon arqyly sóılesti. Taraptar kezdesýdi josparlap otyr», dep jazylǵan vedomstvo habarlamasynda.