24 qyrkúıekte Máskeýde birneshe memleketten kelgen kásipqoı boksshylardyń qatysýymen iri halyqaralyq jarys uıymdastyrylady.
Keshtiń basty básekesinde aralas jekpe-jektiń has sheberleri Aleksandr Emelıanenko men Vıacheslav Dasık kúsh synasady. Reseıdiń atyshýly qos alyby bul joly boks erejesi boıynsha saıysqa túsedi. Osy jarysta qazaqstandyq Álı Baloev ta óz ónerin ortaǵa salady. Asa aýyr salmaqta kúsh synasyp júrgen 29 jastaǵy Almatynyń týmasy kezinde áýesqoılar rınginde biraz tabysqa qol jetkizdi. Keıinnen Saǵatbek Musahanovtyń shákirti kásipqoılar arasynda kúsh synasýǵa bel býdy. Bes jyldan asa ýaqyt aralyǵynda 10 kezdesý ótkizgen ol barlyǵynda basymdyq tanytty. Jeti qarsylasyn esinen tandyrdy.
Hardcore Boxing kesheninde Álı reseılik Kýreısh Sagovpen aıqasady. 31 jastaǵy ıngýsh jigiti óziniń segiz kezdesýiniń altaýynda jeńiske jetip, eki básekeni merziminen buryn aıaqtady.