Qazaqstandyq tennısshi Elena Rybakına Slovenııanyń Portoroje qalasynda ótip jatqan halyqaralyq týrnırdiń shırek fınalyna shyqty.
Tusaýkeser kezdesýinde germanııalyq Laýra Zıgemýndtan basym túsken jerlesimiz ekinshi kezeńde WTA tiziminde 66-orynda turǵan 27 jastaǵy chehııalyq Tereza Martınsovamen kezdesti. Bul básekede Elenanyń basymdyǵy esh kúmán týǵyzǵan joq. Eki settik saıys 6:4, 6:1 esebimen aıaqtaldy. Endi ol úzdikter tiziminde 92-oryndy enshilegen Ýkraınanyń oıynshysy Lesıa Sýrenkomen kezdesedi.
Al Túrkııanyń Ystanbul qalasyndaǵy «Chelendjer» týrnırinde qazaq tennısshisi Beıbit Juqaev tabysty óner kórsetýde. Alǵashqy aınalymda kort qojaıyny Jengız Aksýdan aılasyn asyrǵan ol kelesi kezeńde ıspanııalyq Nıkolas Alvares Varondy 6:4, 6:1 esebimen utty.