Bul kúnderi Almatyda ústel tennısinen Contender Almaty dep atalatyn asa iri halyqaralyq týrnır ótýde. Atalǵan jarysta álemniń birqatar memleketterinen kelgen kóptegen ataqty oıynshy sheberlik baıqasýda.
Jarystyń irikteý kezeńinde 15 jerlesimiz óner kórsetip, solardyń toǵyzy kelesi aınalymǵa joldama aldy. Atap aıtsaq, Eskendir Harkı amerıkalyq Lıýdovık Gomboshtan aılasyn asyrdy – 3:2. Dastan Kenjeǵulov úndistandyq Djıt Chandrany shań qaptyrdy – 3:2. Vladıslav Zaharov saýdııalyq Azzam Alımge san soqtyrdy – 3:0. Al Saǵantaı Qurmambaev, Janerke Kóshkinbaeva jáne Gúlchehra Hýseınova О́zbekstannyń oıynshylaryn qapy qaldyrdy. Taǵy úsh kezdesýde jerlesterimiz ózara kúsh synasty. Bul básekelerde Baqdáýlet Ákimáli Erık Raıterden, Angelına Romanovskaıa Aııa Álimbaevadan jáne Aleksandra Smırnova Ánel Baqyttan basym tústi.
Al qytaılyq Lıý Iebo men Zan Sıaotýnmen kezdesken Irısbek Artýkmetov pen Alsý Saparova jeńilistiń kermek dámin tatty. Sol sekildi Araı Áshkeevanyń lıýksembýrgtik Vıven Sholske áli jetpedi.