Almaty qalasyndaǵy joǵary oqý oryndarynyń birinde oqıtyn stýdentter jappaı tóbeles uıymdastyrdy, dep habarlaıdy Egemen.kz.
Áleýmettik jelide taraǵan vıdeorolık boıynsha «Atakent» kórme ortalyǵynyń aldynda jappaı tóbeles bolǵan.
Qalalyq polısııa departamenti habarlaǵandaı, stýdentter oıyn-saýyq ortalyǵynda oqýǵa túskenderin atap ótken. Tóbeles saldarynan zardap shekkender men qaza tapqandar joq.
«Atalǵan fakti QR QK-niń 293-baby «Buzaqylyq» boıynsha sotqa deıingi tergeýdiń biryńǵaı tiziliminde tirkelgen. Tóbeleske qatysqandardyń árqaısysy qoldanystaǵy zańnamaǵa sáıkes anyqtalyp, jaýapkershilikke tartylady», dedi Bostandyq aýdandyq polısııa basqarmasynyń basshysy Dýman Aýhadıev.