Aýyl sharýashylyǵy salasyna bilikti kadr daıarlaý isi júıeli ózgeristerdi talap etedi. Májilis depýtaty Asylbek Nuralın agrotehnıkalyq kolledjderdiń qazirgi ahýalyna qatysty depýtattyq saýal joldap, materıaldyq-tehnıkalyq bazanyń álsizdigi men oqytýdyń formaldy sıpatyn synǵa aldy, dep jazady Egemen.kz.
Depýtattyń aıtýynsha, birqatar agrotehnıkalyq kolledjderde qoldanylyp júrgen tehnıka ábden eskirgen, al óndiristik sheberhanalardyń jabdyqtalý deńgeıi zaman talabyna saı emes. Bul jaǵdaı agroónerkásip keshenine qajetti mamandardy sapaly daıarlaýǵa kedergi keltiredi.
«Qazirgi óndiris sıfrlyq jáne ıntellektýaldyq júıelermen jumys isteı alatyn, kásibı daıarlyǵy joǵary mamandardy qajet etedi. Mundaı jaǵdaıda oqytýǵa formaldy túrde qaraýǵa jol berýge bolmaıdy», dedi depýtat.
Agrosalany damytýdyń keshendi jospary
Osyǵan baılanysty Asylbek Nuralın agrotehnıkalyq bilim berý júıesinde aqyly dýaldy oqytýdy engizýdi usyndy. Onyń úlgisine sáıkes, stýdentterdiń ýaqytynyń 60%-y naqty óndiriste tájirıbeden ótýge, 40%-y kolledj qabyrǵasyndaǵy teorııalyq oqýǵa bólinýi tıis. Mundaı tásil bolashaq mamannyń eńbek naryǵyna beıimdelýin jedeldetýge múmkindik beredi.
Agroónerkásip keshenin óristetýdiń mańyzy
Sondaı-aq depýtat kolledjderdi qarjylandyrý tetigin qaıta qaraýdy qajet dep sanaıdy. Salalyq erekshelikter eskerilip, qarajat eń aldymen oqý tehnıkasyn jańartýǵa, óndiristik bazany kúsheıtýge jáne pedagogterdiń biliktiligin arttyrýǵa baǵyttalýy tıis.
Qazaq agrotehnıkalyq zertteý ýnıversıtetinde Smart-aýdıtorııa ashyldy
Depýtattyq saýalda kóterilgen bul máseleler agroónerkásip kesheniniń kadrlyq áleýetin nyǵaıtýǵa, aýyl sharýashylyǵynyń tehnologııalyq damýyna serpin berýi múmkin.