Qorǵanys mınıstri, general-polkovnık Rýslan Jaqsylyqovtyń tapsyrmasymen Mańǵystaý oblysyna aqparattyq-túsindirý toby keldi. Jumys toby Memleket basshysynyń Joldaýyn túsindirý, qoǵamda áskerı qyzmettiń mańyzdy ekenin dáripteý, sondaı-aq «Birtutas ult – birtutas ásker» atty jastardy áskerı-patrıottyq tárbıeleý baǵdarlamasyn iske asyrý jóninde birqatar is-sharalar ótkizedi.
Kúzgi shaqyrý naýqany kezeńinde Qarýly kúshterdiń tájirıbeli ofıserleri men ardagerlerinen, «Jas sarbaz» qozǵalysynyń belsendileri men ulttyq áskerı-patrıottyq ortalyqtyń shyǵarmashylyq ujymynan quralǵan «desant» oqý oryndary men áskerı bólimderde jastarmen kezdesip, patrıottyq aksııalar men konsertter uıymdastyrady. Jergilikti jerlerde bul jumysqa jergilikti atqarýshy organdar men qoǵam ókilderi kóptep tartylǵan.
Alǵashqy jumys kúni Aqtaýdaǵy qala kúnine oraı Qarýly kúshterdiń Ulttyq áskerı-patrıottyq ortalyǵy jaǵalaýda konsert ótkizdi. Sonymen qatar kórermender Áskerı-teńiz kúshteri «Mańǵystaý», «Oral», «Saryarqa», «Qazaqstan» korablderiniń, «Jaıyq» gıdrografııalyq kemesiniń, «Alataý» mına tartqysh korabliniń, sondaı-aq UQK Shekara qyzmetiniń bes korabli men kateriniń teńizdegi sherýin tamashalady.
Ortalyq áskerı orkestr men Ortalyq ansambl qala turǵyndary úshin patrıottyq konsert uıymdastyrdy. Qarýmen defıle jasap, saptyq daıyndyq elementterin kórsetken qurmet qaraýyly rotasynyń aıshyqty óneri kórermenderdi tańǵaldyrdy.
Aqparattyq-túsindirý tobynyń jumys josparynda Aqtaý, Beıneý, Jańaózen qalalarynda áskerge shaqyrýǵa deıingi jáne áskerge shaqyrý jasyndaǵy azamattarmen, olardyń ata-analarymen kezdesýler, oqý oryndarynda erlik sabaqtary, sondaı-aq áskerı bólimderde ótkiziletin is-sharalar bar.