Almaty qalasynda paralımpıalyq tennısten birinshi ret Qazaqstan chempıonaty uıymdastyryldy, dep habarlaıdy Egemen.kz QTF-ǵa silteme jasap.
El birinshiligine Aqtóbe, Aqtaý, Oral, Qaraǵandy, Astana jáne Almaty qalalarynan 40-tan astam sportshy qatysty.
Chempıonattyń ashylý rásiminde Qazaqstan tennıs federasııasynyń (QTF) atqarýshy dırektory Deıv Maılıge Ulttyq paralımpıalyq komıtetten QTF-ny arbadaǵy tennıs boıynsha sporttyq federasııa dep taný týraly sertıfıkat tapsyryldy.
Jarys tórt jas ereksheligine qaraı ótkizilip, myna sportshylar júldege ilikti:
Erler 16+:
1.Dastan Nııazov (Aqtóbe)
2.Fedor Starygın (Qaraǵandy)
3.Evgenıı Bykov (Qaraǵandy).
Qyzdar 16+:
1.Aıshýaq Jetpeıisova (Qaraǵandy)
2.Aıgúl Berdisheva (Aqtóbe)
3.Ásel Asaýbaeva (Qaraǵandy).
Bozbalalar 14-15 jas:
1.Madııar Baıkenov (Aqtóbe)
2.Turarbek Marat (Oral)
3.Nazar Trofımov (Aqtaý).
Balalar 7-8 jas:
1.Ivan Solovev (Almaty)
2.Holıd Rýstamov (Astana).
Sondaı-aq astanalyq Dinmuhamed Álıakparov «Úzdik tehnıkasy úshin», oraldyq Albına Bekjanova men aqtóbelik Evgenıı Edelev «Jeńiske degen jigeri úshin» atalymymen marapattaldy.
«Arbadaǵy tennıs álemde keńinen tanymal. Ýımbldon, AQSh, Aýstralııa, Fransııa ashyq chempıonattary sekildi «Úlken dýlyǵa» týrnırleri bar. О́z juldyzdary da az emes. Qazaqstandyq sportshylar solardyń qataryna qosylatynyna senemin. Eń bastysy, aıanbaı ter tógý kerek. Týrnır qorytyndysy boıynsha ulttyq qurama jasaqtalyp, aldaǵy jyly Qytaıda ótetin halyqaralyq jarysqa alǵash ret qatysady», dedi Qazaqstan tennıs federasııasynyń atqarýshy dırektory Deıv Maılı.