Polıseıler jol-kólik oqıǵasy boıynsha qyzmettik tergeý júrgize bastady. Olar qyzmetker men onyń basshylaryna qatysty qatań sharalar qabyldaýǵa ýáde berdi, dep habarlaıdy Egemen.kz.
Oralda polısııa kapıtany adamdy qaǵyp, oqıǵa ornynan qashyp ketti. Bul týraly Anyqtaý basqarmasynyń bastyǵy Erlan Jaqsybaev málimdedi.
Jol apaty 18 qyrkúıekke qaraǵan túni Baýyrjan Momyshuly kóshesinde bolǵan. Er adam dárigerler kelgenge deıin sol jerde qaıtys boldy.
«Bizde jedel-izdestirý is-sharalary bastaldy, 345-baptyń 3-bóligi «abaısyzda adam ólimine ákep soqqan JQE buzý» jáne 347-baptyń «JKO ornyn qaldyrý» boıynsha sotqa deıingi tergeý tirkeldi. Júrgizýshi oqıǵa ornynan qashyp ketti, biraq biz ony anyqtap, ustadyq. Ol ishki ister organdarynyń qazirgi qyzmetkeri bolyp shyqty», dedi Erlan Jaqsybaev.
Polıseıdiń kóligi aıyp turaǵyna qamaldy.