Tynyq muhıtynyń ońtústik-batysynda jańa aral paıda boldy, dep habarlaıdy Egemen.kz NASA taratqan aqparatqa súıenip.
Ol Jańa Zelandııa men Tonganyń ortasynda ornalasqan. Ázirge aral áli de kishkentaı, biraq kólemi ulǵaıyp keledi.
Aral qyrkúıektiń ortasynda bastalǵan Hoým janartaýynyń atqylaýy nátıjesinde paıda bolǵan. Alty kúnde araldyń dıametri 170 metrge jetse, on bir kúnde 200 metrden asqan.
Ádette janartaýlardan paıda bolǵan araldardyń taǵdyry uzaqqa barmaıdy. Birneshe apta ishinde shaıylyp ketedi. Biraq erekshe jaǵdaılar da bolyp jatady. Máselen, olardyń keıbireýleri birneshe ondaǵan jyldar boıy saqtalady. Tipti ózderiniń ekojúıesin de qalyptastyryp úlgeredi.