Arhıvtiń jańa jobasy

Atalǵan is-sharany uıym­dastyrýshy Ulttyq arhıv dırektory Saǵıla Nur­la­nova hanymnyń aıtýynsha, Mádenıet jáne sport mınıstrligi Arhıv isteri jáne qujattamany basqarý komıteti bastamashy bolyp ótkizip otyrǵan bul retki ashyq esik jobasy eń áýeli ósip kele jatqan jas býyn­dy arhıv is­terimen tanys­tyrý jáne osy arqyly arhıvte saqtalyp jat­qan qun­dy qujattarǵa olar­dyń qy­zyǵýshylyǵyn oıatý eken.

«Jobanyń negizgi maq­saty – óskeleń urpaqty tarıhty, salt-dástúrdi zerdeleýge baýlý, Otanǵa degen patrıottyq sezimin oıatý, urpaqtar sabaqtastyǵyn saq­­taý, sondaı-aq ar­hıv qu­jattaryn nasıhattaý jáne arhıv salasynyń ımıd­jin arttyrý», deı­di uıym­das­tyrý­shylar.

Oraıy kelgende aıtyp óteıik, elimiz arhıvterinde memlekettik saqtaýda 26 mln qujattyq kóz jı­naq­talsa, olardyń ishinde mem­leketimizdiń tarıhı fak­tileri men oqıǵalaryn kýá­landyratyn asa qundy qu­jat­­tar bar. Atap aıt­qan­­­da, ótken ǵasyrdyń 20-30-jyl­daryndaǵy saıası qý­ǵyn-súr­gin, asharshylyq qur­ban­dary jaıly derekter, Qazaqstan Respýblıkasy tá­ýelsizdiginiń qalyptasý ke­zeńine qatysty qujattar, t.b.

Ashyq esik sharasyna 500-den astam orta mektep oqý­shysy, joǵary oqý oryndary men kolledj stýdentteri kelip qatysyp, kórme sóre­sine qoıylǵan qujattyq já­di­gerlermen tanysty.

Is-shara barysynda jı­nalǵan kópshilikke arhıv qyz­metiniń basym baǵyttary ta­nysty­rylyp, ekskýrsııalar, taqy­ryptyq fotoqujattyq ekspozısııalar men kórme­lerge sholý jasaldy. Onyń syrtynda Qazaqstan tarıhy, ulttyq salt-dástúrlerdi bilýge arnalǵan konkýrstar men vıktorınalar ótki­zildi. Oqýshylardy erekshe qyzyqtyrǵan dúnıe Or­ta ǵasyrda ómir súrgen arab saıa­hatshysy Muhamed ál-Idrı­sıdiń kartasy boldy.