Senator Dáýren Ádilbekovtyń tóraǵalyǵymen Senattyń Ekonomıkalyq saıasat, ınnovasııalyq damý jáne kásipkerlik komıtetiniń keńeıtilgen otyrysy ótti, dep habarlaıdy Egemen.kz.
Jıyn barysynda senatorlar «2018 jylǵy 17 mamyrdaǵy Bir taraptan Eýrazııalyq ekonomıkalyq odaq pen oǵan múshe memleketter jáne ekinshi taraptan Iran Islam Respýblıkasy arasyndaǵy erkin saýda aımaǵyn qurýǵa alyp keletin ýaqytsha kelisimge hattamany ratıfıkasııalaý týraly» zań jobasyn qarady.
Zań jobasynyń negizgi maqsaty - Kelisimniń qoldanylý merzimin 2025 jylǵy 27 qazanǵa deıin uzartý jáne taraptar arasyndaǵy saýda artyqshylyqtary tártibin buzýǵa jol bermeý.
Kelisim EAEO elderi men Iran arasyndaǵy taýarlar saýdasyn erkinsitýge jáne ońaılatýǵa baǵyttalǵan. Zań jobasy osylaısha taraptar arasyndaǵy ekonomıkalyq is-qımyl men ózara saýdany qoldaýǵa baǵyttalǵan.
Sondaı-aq Ýaqytsha kelisimniń qoldanylý merzimin uzartý saýdanyń bajsyz tártibin saqtaýǵa múmkindik beretinin jáne otandyq taýarlardyń Iran naryǵyna shyǵýy úshin qolaıly jaǵdaı týǵyzatynyn atap ótken jón.
Zań jobasy Palatanyń qaraýyna jiberildi.