Astanada aýa raıynyń salqyndaýyna baılanysty áleýmettik nysandar, atap aıtqanda, medısınalyq mekemeler, mektepter, balabaqshalar men sport nysandary jylytý júıesine merziminen buryn qosyla bastady, dep habarlaıdy Egemen.kz qala ákimdigine silteme jasap.
Ákimdik 30 qyrkúıekten bastap kóppáterli úıler kezeń-kezeńimen jylytýǵa qosylatynyn qosa habarlady.
Aıta ketsek, elordada eldi mekenderdi gazdandyrý jumysy júrip jatyr. Almaty jáne Saryarqa aýdandaryndaǵy úılerdi gazǵa qosý múmkindigi tolyq qamtamasyz etilgen.
Sol sııaqty jeke sektor turǵyndary úshin kómir satatyn kompanııalar anyqtaldy. Baǵanyń ósýine jol bermes úshin kompanııalarmen kómir qunyn bekitý týraly tıisti memorandýmdar jasaldy. 109 nómiri boıynsha arnaıy jeli jumys isteıdi. Osy nómir arqyly kómirdiń qory, baǵasy jáne bar-joǵy týraly bilýge bolady.