Qarajattar elge qaıtarylýy kerek

Ulttyq kásipkerler palatasy janynan qurylǵan Sybaılas jemqorlyqqa jáne kóleńkeli ekonomıkaǵa qarsy kúres jónindegi keńestiń alǵashqy otyrysy ótti. Qazaqstannyń 138 mıllıard teńgesi offshorda jatyr. Bul jaǵynan elimiz álem boıynsha alǵashqy ondyqqa kiredi eken. Qomaqty qarajatty endi elge qaıtarýǵa qam jasaý qajet. Jıynda offshordan bólek 6 másele ortaǵa salynyp, memlekettik satyp alýdaǵy jarııalylyqtyń jetispeýi jipke tizildi. Sondaı-aq, «ST- KZ» formatyndaǵy otandyq sertıfıkattyń zańsyz aınalymy da nazardan tys qalmady. «Bul keńes kásipkerlik bas­tamalardy júzege asyrýǵa quqyq­­­tyq, ekonomıkalyq jáne áleý­mettik turǵyda serpin bermek. Sonymen qatar, jıynda sy­baı­las jemqorlyq pen kóleń­keli eko­nomıkaǵa qarsy is-qı­myl­dardyń halyqaralyq táji­rı­besi zert­telip, ulttyq zańnamaǵa engizý kerektigi aıtyldy», dedi Ult­tyq kásipkerler palatasy tóral­qa­sy­nyń múshesi Talǵat Doskenov. «Egemen-aqparat».