Chehııanyń Syrtqy ister mınıstrligi Reseıde qalǵan respýblıka azamattaryn qaýipsizdik jaǵdaıynyń nasharlaýyna baılanysty elden ketýge shaqyrdy, dep habarlaıdy Egemen.kz Anadoly agenttigine silteme jasap.
Tıisti qujat vedomstvonyń saıtynda jarııalandy.
«Syrtqy ister mınıstrligi Reseı Federasııasynda qalǵan Chehııa azamattaryn elden ketýge shaqyrady», delingen qujatta.
Mınıstrlik respýblıka turǵyndaryn Reseı Federasııasynyń aýmaǵyna barýdan bas tartýdy qatań eskertedi.
Sondaı-aq vedomstvo Reseı men Eýroodaq memleketteri arasyndaǵy shıelenisken qatynastarǵa baılanysty Máskeýdegi Chehııa elshiliginiń jumysynda shekteýler bolýy múmkin ekenin qosa habarlady.