Taldyqorǵan qalasynyń turǵyny eki azamattyń 9 mıllıon teńgeden astam aqshasyn alaıaqtyq jolmen ıemdengen, dep habarlaıdy Egemen.kz.
Taldyqorǵan qalasynyń turǵyny memlekettik baǵdarlama boıynsha páter alýǵa kómektesemiz dep eki azamattyń 9 mıllıon teńgeden astam aqshasyn alaıaqtyq jolmen alyp alǵan. Aldanǵanyn bilgen jábirlenýshiler polısııaǵa birden habarlasqan.
«Áıel jábirlenýshilerdiń birinen 4 mıllıon teńge, ekinshisinen 5,2 mıllıon teńge alǵan. Ol memlekettik qurylymdardyń qyzmetkeri emes jáne memlekettik baǵdarlama boıynsha turǵyn úı bólýmen aınalysatyn komıssııaǵa qatysy joq. 48 jastaǵy áıel qamaýǵa alyndy. Qylmystyq is QR QK 190-babynyń 3-bóligi «Alaıaqtyq» boıynsha júrgizilýde», dedi oblystyq IID Tergeý basqarmasynyń bastyǵy Rýslan Charapıev.