Memlekettik kirister komıteti memlekettik qyzmetshilerdiń, olarǵa teńestirilgen adamdardyń jáne olardyń jubaılarynyń kiristeri men múlki týraly deklarasııany (270.00-nysan) toltyrý kezinde jiberilgen qatelikteriniń saldary jaıly baıandady, dep habarlaıdy Egemen.kz.
Jalpyǵa birdeı deklarasııalaýdyń birinshi kezeńiniń qorytyndysy boıynsha 11 myń memlekettik qyzmetshi, olarǵa teńestirilgen adamdar men olardyń jubaılarynda jeke tabys salyǵy boıynsha 759 mlrd teńge bereshek jınalyp qalǵan.
«Deklarasııalardy taldaý kórsetkendeı, ózdiginen salyq salynatyn tabys bolmaǵan jaǵdaıda, bıýdjetke tólenetin jeke tabys salyǵynyń somalary qate kórsetilgen. Memlekettik kirister komıteti deklarasııany azamattar óz betinshe tekserý qajettigi týraly eskertedi. Qate toltyrý anyqtalǵan jaǵdaıda deklarasııanyń «E» bóliminde jeke tabys salyǵynyń somasyn kemitip, qosymsha deklarasııany tapsyrý kerek», dep jazylǵan habarlamada.
Qateler túzetilmegen jaǵdaıda jeke sot oryndaýshylary salyq buıryqtary negizinde banktik shotty jabýy múmkin.
Deklarasııany durys toltyrý suraqtary boıynsha turǵylyqty jerdegi memlekettik kirister organyna júginý qajet.