Memleket basshysy Qasym-Jomart Toqaev Qatar Ámiri sheıh Támım ben Hamad Ál Tánıdi «Altyn Qyran» ordenimen marapattady, dep habarlaıdy Egemen.kz Aqordaǵa silteme jasap.
Prezıdent Qasym-Jomart Toqaev Qazaqstanǵa memlekettik saparmen kelgen Qatar Ámiri sheıh Támım ben Hamad Ál Tánıge Qazaqstan Respýblıkasynyń eń joǵary memlekettik nagradasy – «Altyn Qyran» ordenin tabys etti.
Orden tabystaý rásiminde Memleket basshysy Qatar Ámiriniń halyq aldyndaǵy abyroı-bedelin, el basqarý isindegi danalyǵy men erekshe tulǵalyq qasıetterin, álemdegi beıbitshilikti saqtaýǵa jáne turaqtylyqty qamtamasyz etýge qosqan zor úlesin atap ótti.
Qasym-Jomart Toqaev bıyl Dohada ótken kezdesýde sheıh Támım ben Hamad Ál Tánımen strategııalyq seriktestik ornatý jóninde ýaǵdalastyqqa qol jetkizgenin, eki memleket arasyndaǵy dostyq qarym-qatynasty nyǵaıtýǵa bar kúsh-jigerin jumsaıtynyn aıtty.