Ulttyq bank usynǵan málimetterge qaraǵanda, 2022 jylǵy 1 qyrkúıektegi jaǵdaı boıynsha qazaqstandyq bankterdegi barlyq nesıelerdiń kólemi 20,7 trln teńgeni qurady, dep jazady Egemen.kz.
2022 jyldyń basymen salystyrǵanda nesıeler kóleminiń ósimi 18,6%-dy qurady. Máselen, osy jyldyń qańtar-tamyz aılarynda jeke tulǵalarǵa berilgen nesıeler kólemi 2,0 trln teńgege (2022 jylǵy 1 qańtarǵa +19%) ósti, onyń 833,3 mlrdy ıpotekalyq nesıeler kóleminiń ósýine (+25) keldi.
Onyń 891,1 mlrdy - tutynýshylyq nesıeler (+15%).
«Sondaı-aq tutynýshylyq nesıeler qurylymynda jeńildetilgen baǵdarlama boıynsha avtonesıe de eskerilgenin atap ótemiz, oǵan bıyl ǵana 100 mlrd teńge bólingen, sondaı-aq qazaqstandyqtardyń taýardy paıyzsyz bólip-bólip satyp alýy da eskerilgen», dep habarlady Qarjygerler qaýymdastyǵy.
Ekonomısterdiń pikirinshe, úmitsiz nesıelerdiń úlesi de artyp keledi,
2022 jylǵy 1 qyrkúıektegi jaǵdaı boıynsha 90 kúnnen astam merzimi ótken qaryzdar somasy 786,7 mlrd teńgeni qurady. Bul 2022 jyldyń 1 qańtarymen salystyrǵanda 117,9 mlrd teńgege nemese 17,6%-ǵa artyq.
«Qazirgi ýaqytta ekinshi deńgeıli bankterdiń tutynýshylyq nesıeleri boıynsha merzimi ótken bereshek kólemi 3,6%-dy, MQU úmitsiz nesıeleriniń kólemi 9,7%-dy quraıdy», dep túsindirdi Qazaqstan qarjygerler qaýymdastyǵy.