Elordalyq oqýshylar qalanyń qoǵamdyq keńistikteri men aýlalaryn abattandyrý boıynsha jobalardy usyna alady, dep habarlaıdy Egemen.kz qala ákimdigine silteme jasap.
Astanada «Belsendi qala turǵyndary mektebi» kýrsyna qatysýshylardy qabyldaý júrip jatyr.
«Kýrstarǵa 9-10 synyp oqýshylary qatysa alady. Sabaqtar eki bólimnen turady. Jobalardy egjeı-tegjeıli ázirleýge kirispes buryn, oqýshylarǵa abattandyrý, qarjylandyrý prosesi qalaı qurylǵany jáne óz josparyn qurý úshin ne qajet ekendigi týraly aıtylady. Teorııalyq bólimnen keıin qatysýshylar ózderiniń tujyrymdamalarynyń shemalaryn jasaı bastaıdy, olar komıssııanyń qaraýyna jiberiledi. Balalar jumysynyń sońǵy kezeńderi-onlaın daýys berýdegi jeńis jáne Saryarqa aýdanynyń aýmaǵynda jobany iske asyrý bolady», delingen habarlamada.
Aıta ketsek, «Belsendi qala turǵyndary mektebi» kýrsyn iske asyrý «Halyq qatysatyn bıýdjet» respýblıkalyq jobasyna negizdeledi. Sondyqtan balalardyń jobalary aýdannyń basqa turǵyndarynyń jobalarymen qatar daýys berýge qoıylady.
«BTM kýrstary engizilip, elimizdiń basqa qalalarynda óz nátıjelerin kórsete aldy. Alaıda, bul jolǵy qatysýshylar alǵash ret balalar bolyp otyr. Mundaı joba balalarǵa mektep kezinen bastap óz qalalary úshin jaýapkershiliktiń bolýyn damytýǵa jáne olardy Astanany jaqsartýǵa bastamashylyq jasaýǵa úıretýge kómektesedi», delingen Saryarqa aýdany ákimdiginiń baspasóz qyzmeti usynǵan aqparatta.
Kýrstar tegin ótkiziledi. Joba qatysýshylaryn irikteý 26 qazanǵa deıin jalǵasady. Jazylý úshin 8 701 225 74 64 nómiri boıynsha habarlasý qajet.