KASE Qazaqstan qor bırjasy 15:30-daǵy jaǵdaı boıynsha dollardyń ortasha ólshengen baǵamy 476,89 teńgeni qurap, 2,16 teńgege tómendegenin habarlady, dep jazady Egemen.kz.
Reseı rýbliniń ortasha ólshengen baǵamy 7,53 teńgege deıin ósti (+0,01).
Qytaı ıýaniniń ortasha ólshengen baǵamy tómendep, 66,48 teńgeni (-0,39) qurady.
Eýro boıynsha saýda-sattyq ótkizilgen joq. Ulttyq bank eýro baǵamyn 466,14 teńgege belgiledi. Keshegi saýda-sattyqta eýro baǵamy 464,20 teńgeni quraǵan.
Aıyrbastaý pýnktterinde dollardy 476-479 teńgeden, eýrony - 462,5-468 teńgeden, reseı rýblin - 7-7,35 teńgeden satyp alady/satady.
Sonymen qatar 14 qazandaǵy saýda-sattyq barysynda álemdik munaı baǵasy tómendedi.
Máselen, jeltoqsandaǵy Brent fıýchersteriniń quny 0,76%-ǵa tómendep, barreline 93,85 dollardy qurady.
WTI munaı fıýchersteri qarasha aıynda barreline 0,66%-dan 88,52 dollarǵa deıin tómendedi.