Bıylǵy jylǵy tekseriste «Jol aktıvteriniń ulttyq sapa ortalyǵy» óńirlerdegi joldarǵa tekseris júrgizip, 5,1 myń qatelik anyqtaǵan, dep habarlaıdy Egemen.kz Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.
Nátıjesinde merdigerlerdiń óz qarajaty esebinen 2 mıllıard teńgeniń jumysyn qaıta jasaǵan.
Sapa ortalyǵy josyqsyz kompanııalarǵa qatysty oblystyq memlekettik sáýlet-qurylys baqylaý basqarmalaryna 100-den astam ótinish joldap, nátıjesinde 18 jaǵdaıda tehnıkalyq qadaǵalaý mamandarynyń attestattary toqtatylyp, 2 merdiger qurylys jumysyn júrgizý lısenzııasynan aıyrylǵan.
Eske sala keteıik, Jol aktıvteriniń ulttyq sapa ortalyǵy 2019 jyly qurylǵan bolatyn. Ortalyq – joldardy salý, qaıta qurý, jóndeý jáne kútip-ustaý, sondaı-aq jol aktıvterin basqarý salasyndaǵy jumystar men materıaldardyń sapasyn saraptaýmen aınalysady.