Elordanyń Shubar shaǵyn aýdany 2023 jyldan bastap gazdandyryla bastaıdy, dep habarlaıdy Egemen.kz.
Osy jyldyń sońyna deıin saraptamanyń oń qorytyndysyn alý josparlanyp otyr. Qazirgi ýaqytta jobalaý-izdestirý jumystary júrgizilýde, endi 2023 jyldyń basynda Shubar shaǵyn aýdanynda qurylys-montaj jumystary bastalady.
Astana qalasy ákimdiginiń resmı málimetine súıensek, Saryarqa jáne Almaty aýdandarynda (Aqbıdaı, Qazaqaýyl, Nur-Besik, Potanın kóshesi aýdanyndaǵy shaǵynaýdan) úılerdi gazǵa qosý múmkindigi tolyq qamtamasyz etilgen. Osy maqsatta qalada 680 shaqyrymnan astam gaz taratý jelisi salynyp, kvartalishilik jeliler tartyldy. Atalmysh aýdandarda 6,5 myńǵa jýyq turǵyn úı gazǵa qosyldy.
Aıta keteıik, qazir Baıqońyr jáne Esil aýdandarynda gaz qubyryn salý jumystary júrip jatyr. Bıyl aýdandyq Turan, Telman qazandyqtaryna, sol sııaqty Úrker (Ilınka), О́ndiris, Telman, Prıgorodnyı eldi mekenderine jáne «Family Village» jáne «Garden Village» shaǵyn aýdandaryna gaz jetkizý jelileriniń qurylysy bastaldy.
Gazdandyrý boıynsha yntalandyrý jáne kómek kórsetý úshin birqatar áleýmettik sharalar qabyldanǵan:
úılerdi gazǵa qosýǵa arnalǵan qujattar tizimi eki ese qysqartý; muqtaj jandarǵa bólinetin soma 2 eseden asa ulǵaıtý (430 myńǵa deıin); tegin negizde gazdy esepke alý aspaptary (eseptegishter) berý; gazdandyrý úshin bankter arqyly bólip tóleý jáne paıyzsyz kredıtteý.Búginde elordany gazdandyrý Memleket basshysynyń tikeleı baqylaýynda. Gazdandyrý qalanyń ekologııasyn edáýir jaqsartyp qana qoımaı, jeke sektor turǵyndary úshin qolaıly jaǵdaı jasaýǵa múmkindik beredi.