Parkınson dertine daýa mektep

Kezdesýge 20-ǵa jýyq adam qatysty. Is-shara barysynda pa­sıentter par­kınson aýrýyn emdeý jáne ońaltý týra­ly aqparatpen, turmys, tamaqtaný, dıetany uıymdastyrý másele­le­rimen jáne basqa da mańyzdy usynystarmen tanysty.

«Parkınson mektebi pasıent­te­ri­mizdiń ótinishi boıynsha uıym­das­ty­ryl­dy. Bizdiń min­de­timiz – pasıentter men otbasy múshelerin emniń qyr-syrymen tanystyrý. Mamandar olarǵa dári-dármekterdiń áseri týraly, ony qabyldaý erekshelikteri týraly aqparat bere otyryp, salamatty ómir salty negiz­­de­rine, asqyný, órshýdiń aldyn alý­ǵa úıretedi», deıdi PIB Me­dı­sınalyq orta­lyǵy aýrýha­nasynyń nevrolog-parkınsonologi Raýshan Taýtanova.

Parkınson mektebin uıym­das­tyrý – parkınson aýrýy bar ár pasıenttiń ómir sapasyn jaqsarta túsýge bir qadam. Bul nevrolog, neırohırýrg, reabılıtolog, logoped jáne basqa da mamandar birlesken úlken komandanyń jumysy. Osyndaı mektepter kóptegen elde bar jáne olardyń klınıkalyq jáne psıho­logııalyq turǵydan jaqsy kómegi tıedi.

«Medısınalyq ortalyq aýrýhanasy árdaıym osyndaı is-sharalardy qol­daıdy jáne bizde parkınson aýrýy­ bar pa­sıentterge kómek kórsetý úshin resýrs jetkilikti. Biz pasıent­ter­ge ǵy­lymı durys ne­giz­del­gen aqparat be­re­miz. Osy­laı­sha, olardyń kúmándi eksperı­mentterge, qalaı da emdelý maq­sa­tynda qatelikterge boı aldyr­maý­ǵa shaqyramyz», dedi nevrolog-parkınsonolog Raýshan Taýtanova.

Uıymdastyrýshylar par­kınson mektebiniń jumysyn turaqty is-sharaǵa aınaldyrýdy josparlap otyr. PIB Me­dı­sı­nalyq ortalyǵy aýrýha­na­synyń nevrologteri jyl saıyn 100-ge jýyq adamǵa qozǵalys buzy­lys­tary boıynsha konsýltasııa berip emdeıdi. Olardyń keıbiri operasııalyq em alyp jatyr.

Parkınson aýrýy – mıdyń júı­kelik jasýshalarynyń bir­tin­dep semýi saldarynan paıda bolatyn aýrý. Mundaıda adam­­da dirildeý, jalpy qı­myl­dyń na­shar­laýy, qımyl-qozǵalystyń qıyn­daýy, úıle­simsizdigi, tepe-teńdiktiń bu­­zyl­ýy baıqalady.