Ekologııa, geologııa jáne tabıǵı resýrstar mınıstri Serikqalı Brekeshev OKQ brıfınginde Qostanaı oblysyndaǵy órt shamamen 4 mlrd teńgege zalal keltirgenin habarlady, dep jazady Egemen.kz.
Serikqalı Brekeshev Qostanaı oblysynda sharpyǵan órttiń sebepterin anyqtaý úshin vedomstvoaralyq komıssııa jumys istegenin habarlady.
«Qostanaı oblysynda bolǵan órt 43,8 myń gektar jerge sharpyǵan, vedomstvoaralyq komıssııa bul másele boıynsha qosymsha jumys istedi. Aldyn ala derekter boıynsha órtten keltirilgen zalal mólsheri shamamen 4 mlrd teńgeni qurady», dedi S.Brekeshev.
Mınıstrdiń aıtýynsha, órtke qatysty qozǵalǵan qylmystyq is áli de qaralyp jatyr.
«Komıssııa muny áli de qylmystyq is aıasynda tergep jatyr, sondyqtan jaqyn arada bul órttiń naqty sebebi anyqtalady degen oıdamyn», dep qosty ol.