Oppozısııa úmiti

Kún tártibindegi másele boıyn­sha Ortalyq saılaý komıs­­sııasynyń múshesi  Sábı­la Mustafına baıandama ja­sa­dy. Ol 2022 jyldyń 7 qa­za­nynda Ortalyq saılaý ko­mıs­sııa­syna «Jalpyulttyq sosıal-demokratııalyq partııa» respýblıkalyq qoǵamdyq birlestigi Nurlan Áýesbaevty Qazaqstan Respýblıkasynyń prezıdenttigine kandıdat etip usynýǵa qatysty qujattardy tapsyrǵanyn habarlady. Or­talyq saılaý komıssııasyna kandıdatty tirkeý úshin mynadaı qujattar usynyldy:

– Nurlan Áýesbaevtyń jáne onyń zaıybynyń aktıvter men mindettemeler jóninde deklarasııa tapsyrǵany týraly memlekettik kirister organynyń anyqtamasy;

–  tirkeýge kedergi keltiretin aýrýlardyń joqtyǵy týraly medısınalyq qorytyndysy;

– oblystardyń, respýb­lı­ka­­lyq mańyzy bar qalalar­dyń jáne Respýblıka astana­sy­nyń aýmaq­tyq saılaý komıssııa­larynyń Nur­lan Áýesbaevty qoldap jına­ǵan azamattardyń qoldaryn tekserý nátıjeleri týraly hattamalary.

Atalǵan hattamaǵa sáıkes Nur­­lan Áýesbaevty qoldaý maq­sa­tyn­da elimizdiń 15 óńirin­degi 120 908 azamattyń qoly jınal­dy. Tek­serý nátıjesinde 119 197 qol­dyń durystyǵy anyq­taldy, ıaǵnı qajetti sany, keminde 1% nemese 118 273 qamtamasyz etildi.

Nurlan Áýesbaevty prezı­denttikke kandıdat retin­de tirkeýge qajetti barlyq qujat­tar Ortalyq saılaý komıs­­sııa­syna usynyldy jáne olar­ǵa qoıylatyn talaptarǵa tolyq sáıkes keledi. Ortalyq saı­laý komıssııasynyń qaýly­sy­men Nurlan Áýesbaev 2022 jylǵy 20 qarashaǵa taǵaıyn­dalǵan Qazaqstan Respýblıka­synyń Prezıdentiniń kezek­ten tys saılaýynda Qazaq­stan Respýblıkasynyń prezıdent­tigine kandıdat bolyp tirkeldi, oǵan tıisti kýálik berildi.