«Manchester Iýnaıted» Krıshtıaný Ronaldýdy oıynnan shettetti, dep habarlaıdy Egemen.kz.
«Krıshtıaný Ronaldý senbi kúni Premer-Lıganyń «Chelsıge» qarsy oıynynda «Manchester Iýnaıtedtiń» quramynda bolmaıdy. Komandanyń qalǵan bóligi osy matchqa daıyndalýǵa tolyqtaı jumyldy», delingen klýbtyń resmı saıtynda.
The Athletic aqparaty boıynsha, «MIý» komandasynyń bas bapkeri Erıt ten Hag 37 jastaǵy shabýylshyny negizgi quramnyń jattyǵýynan shettetken.
Sondaı-aq sportshy APL 13 týryndaǵy «Chelsıge» qarsy kezdesýge qatyspaıdy.
Aıta keteıik, keshe portýgalııalyq fýtbolshy «Tottenhem» (2:0) komandasyna qarsy oıyn aıaqtalmaı jatyp stadıonnan ketip qaldy. Keıbir derekkózder boıynsha shabýylshy oıynnyń sońynda alańǵa shyǵýdan bas tartqan.
«Chelsı» - «Manchester Iýnaıted» oıyny 22 qazanda Londonda ótedi.
37 jastaǵy Ronaldý maýsymdaǵy 12 matchta eki gol soqty. Onyń «Manchester Iýnaıtedpen» kelisimsharty maýsym aıynda aıaqtalady.