Turan ýnıversıtetinde «Saılaý úderisiniń zamanaýı shyndyqtary jáne Qazaqstan Respýblıkasynyń Konstıtýsııasyna ózgerister men tolyqtyrýlardy túsindirý» taqyrybynda úkimettik emes uıymdardyń ókilderimen, stýdentter, magıstranttar, doktoranttar jáne professor-oqytýshylar quramymen kezdesý ótti.
Kezdesý barysynda professor, «Adal saılaý úshin» shtabynyń múshesi Ermek Ábdirasulov saılaý úderisi men quqyqtyń ózekti máselelerine egjeı-tegjeıli toqtaldy.
Shtab múshesi, Qazaqstan zańgerler odaǵy Astana fılıalynyń tóraǵasy Serik Berkamalov zańda kózdelgen azamattardyń saılaý bostandyǵyn qamtamasyz etý kepildikteri týraly aıtyp berdi.
Prezıdenttikke kandıdattardyń jáne olardyń senim bildirilgen adamdarynyń úgit-nasıhat júrgizý erejeleri, kandıdattardyń BAQ-taǵy jarııalanymdar men efırlerge teń qoljetimdiligin qamtamasyz etý tásilderi aýdıtorııanyń úlken qyzyǵýshylyǵyn týdyrdy. Jıynǵa qatysýshylar saılaý zańnamasyn ýaqtyly túsindirýdiń mańyzdylyǵyn atap ótip, uıymdastyrýshylarǵa alǵystaryn bildirdi.
Esterińizge salsaq, 27 qyrkúıekte elimizdiń zańgerler qaýymdastyǵyn shoǵyrlandyrý maqsatynda Qazaqstan zańgerler odaǵy respýblıkalyq qoǵamdyq birlestiginiń alańynda «Adal saılaý úshin» shtaby qurylǵan bolatyn. Maqsaty – saılaý zańnamasynyń negizgi erejelerin túsindirý, saılaý úderisine qatysýshylarǵa quqyqtyq kómek kórsetý, azamattyq qoǵam, halyqaralyq uıymdar ókilderimen ózara is-qımyl jasaý.