Ishki ister mınıstriniń buıryǵymen IIO-nyń birden úsh qyzmetkeri medalmen marapattaldy, dep habarlaıdy Egemen.kz IIM resmı paraqshasyna silteme jasap.
21 qazanda elordalyq dúkenderdiń biriniń satýshysy 21 jasqa tolmaǵan adamǵa alkogol men temeki satqan. Ol ákimshilik jaýapkershilikten jaltarýǵa tyrysyp, ýchaskelik polısııa ınspektory Baqytjan Quljanovtyń kúrteshesine 50 myń teńge salady. Dál osy sát polıseıdiń beınetirkegishine túsip qalady. Satýshyǵa qatysty para berýge tyrysqany úshin sotqa deıingi tergeý bastaldy.
Ekinshi qyzmetker, Rızabek Sapanov patrýldik polısııa qyzmetkeri 24 qazanda Atyraý-Oral avtojolynda Chevrolet Lacetti kóligin toqtatady. Rólde 32 jastaǵy Reseı Federasııasynyń azamaty otyrady, ol kólikti saqtandyrý polısinsiz basqarǵan. Kólik júrgizýshisi ınspektorǵa qujattaryn usynǵanda ózin ákimshilik jaýapkershilikten bosatý úshin syıaqy túrinde 500 rýbldi qosa bergen. Aqshany berip jatqan sát Sapanovtyń beınetirkegishine túsip qalǵan. Ol dereý oqıǵa ornyna Atyraý qalasy PB jedel-tergeý tobyn shaqyryp, osy fakti boıynsha polısııa qyzmetkerleri QK-niń 367-babynyń 1-bóligi (Para berý) boıynsha sotqa deıingi tergep-tekserýdi bastady.
Úshinshi oqıǵa - qazan aıynyń ortasynda Aqmola oblysynyń mekemeleriniń birinde bolǵan. Jýyrda kolonııadan shyqqan er adam QAJD qyzmetkeri Saltanat Jakenovaǵa qońyraý shalyp, oǵan bir qoı men «aı saıynǵy azyq-túlik syıaqysyn» usynyp, ózimen birge turatyn áıeldi probasııalyq tekserýden bosatyp almaq bolǵan. Osyǵan baılanysty 37 jastaǵy aqmolalyq azamatqa para berý týraly qylmystyq is qozǵaldy.
Ishki ister mınıstri Marat Ahmetjanovtyń buıryǵymen qyzmettik mindetterin adal atqarǵany, sybaılas jemqorlyq quqyq buzýshylyqtyń jolyn keskeni úshin úsheýi de marapattaldy.