QR Premer-Mınıstriniń orynbasary - QR Saýda jáne ıntegrasııa mınıstri Serik Jumanǵarın Qazaqstanda jańa formattaǵy mektepter men aýdanaralyq emhanalar salý josparymen bólisti, dep habarlaıdy Egemen.kz.
«Qazir «Jaıly mektepter» jobasy júzege asyrylýda. Aldaǵy úsh jylda biz jańa formattaǵy 500-den astam mektep salýdy josparlap otyrmyz. Memleket olarǵa bıýdjetten 2,6 trln teńge bóledi. Sondaı-aq 32 aýdanaralyq emhana ashylady. Qaǵıda óte qarapaıym - biz kez kelgen naýqasty osy aýdandyq emhanaǵa bir saǵat ishinde jetkizýimiz kerek», dedi Serik Jumanǵarın Qostanaı oblysynyń jurtshylyǵymen jáne bıznes-qoǵamdastyǵymen kezdesýde.