Astanada Qyrǵyz Respýblıkasynyń mádenıet kúnderiniń ótýi qos eldiń yntymaqtastyǵyn arttyra túskeni anyq.
Is-sharanyń negizgi maqsaty – eki el arasyndaǵy gýmanıtarlyq baılanystardy nyǵaıtý. Atalǵan is-sharadan bólek, Astana Media Week 2022 medıa aptalyǵyna qatysý baqyty buıyrdy. Aqparattyq tehnologııa damyǵan zamanda mundaı aýqymdy is-sharany ótkizý – ýaqyt talaby. Jergilikti jýrnalıstermen qatar, sheteldik bilikti mamandardyń basyn qosqan medıa aptalyq otandyq jýrnalıstıkanyń damýyna serpin beretinine senim mol. Qyrǵyz halqy Qazaqstanda bolyp jatqan oqıǵalarǵa qulaq túrip júredi. Bul rette, jalǵan aqparattar taratylmaı, sapaly ónimderdiń usynylýy mańyzdy. Qos el arasynda ár saladaǵy baılanys nyǵaıa túsedi degen senimdemin.
Altynbek MAQSUTOV,
Qyrǵyz Respýblıkasy Mádenıet, aqparat, sport jáne jastar saıasaty mınıstri