Seýldegi Helloýın merekesi kezinde qaza tapqandar sany ósip jatyr. Qazirgi ýaqytta olardyń sany 154 adamǵa jetti, dep habarlaıdy Egemen.kz Renhap agenttigine silteme jasap.
«Jergilikti polısııanyń málimeti boıynsha, qaza tapqandar sany 154 adamǵa jetti», delingen agenttik habarlamasynda.
153 adamnyń jeke basy anyqtaldy. Qaıtys bolǵandardyń qatarynda 14 elden 26 sheteldik bar.
Qaza tapqandardyń arasynda Qazaqstan azamaty da bolǵany habarlanǵan edi.
Qurban bolǵan 154 adamnyń 98-i áıel adamdar. taǵy 56-sy er adamdar. Sondaı-aq 133 adam túrli dene jaraqattaryn aldy.
Polıseılerdiń aıtýynsha, qurban bolǵandardyń sany artýy múmkin.
Sońǵy derekterge qaraǵanda oqıǵa oryn alǵan Itevon aýdanynda 100 myńǵa jýyq adam bolǵan.