Qazaqstanda 2022 jyldyń basynan beri adam saýdasyna qatysty 79 qylmystyq is tirkelgen, dep habarlaıdy Egemen.kz.
2019 jyly adam saýdasyna qatysty 182 qylmystyq is, 2020 jyly - 111, 2021 jyly - 103, 2022 jyldyń 9 aıynda - 79 qylmystyq is tirkelgen.
2022 jyldyń qańtar-qyrkúıek aılarynda Qazaqstanda adam saýdasymen aınalysatyn 6 uıymdasqan qylmystyq top anyqtalǵan, olardan 35 adam zardap shekken.
«Bıyl tamyz aıynda Shymkentte aldaý jáne kúsh qoldaný arqyly qyzdardy, onyń ishinde kámeletke tolmaǵandardy satýmen, jynystyq quldyq, jezóksheler úılerin ustaýmen jáne jalańashtyqpen aınalysqan 11 adamnan turatyn uıymdasqan qylmystyq toptyń áreketiniń joly kesildi», dep habarlaǵan Ishki ister mınıstrligi.
Atalǵan sanattaǵy qylmystardyń aldyn alý maqsatynda mınıstrlik «Adam saýdasyna qarsy kúres týraly» zań jobasyn ázirleýde. Ol jábirlenýshilerdi, sonyń ishinde kámeletke tolmaǵandardy qorǵaýǵa baǵyttalǵan.