Qyzylordada qurylys alańynda qaıǵyly jaǵdaı oryn alyp, temir saty áıeldiń basyna qulaǵan, dep habarlaıdy Egemen.kz IIM resmı paraqshasyna silteme jasap.
Oqys oqıǵa búgin, 2 qarashada bolǵan. Qyzylorda oblysynyń polısııa departamentine qarasty emhanada jóndeý-qurylys jumystary kezinde temir saty áıeldiń basyna túsip, alynǵan jaraqattan oqıǵa ornynda kóz jumǵan.
«Qazirgi ýaqytta atalǵan fakti boıynsha QR Qylmystyq kodeksiniń 277-baby 2-bóligi (Abaısyzda adam ólimine ákep soqqan qurylys jumystaryn júrgizý kezinde qaýipsizdik qaǵıdalaryn buzý) boıynsha qylmystyq is qozǵalyp, sotqa deıingi tergeý amaldary júrgizilýde», dedi Qyzylorda qalalyq Polısııa basqarmasynyń ókilderi.