«Atamekenniń» memleketshil baǵdary

Prezıdent kásipkerlerge joldaǵan Úndeýinde Qazaq­standa shaǵyn jáne orta bız­nesti órkendetýge basa mán beriletinin aıtyp, kásip­kerler palatasynyń otan­dyq bıznestiń básekege qabi­let­tiligin arttyrýdaǵy mańyzyna toqtalǵan.

«Otandyq bıznes elimizdiń ekonomıkasyn órkendetýge aıryqsha yqpal etedi. Biz naryqtyq ekonomıka quryp ja­tyrmyz. Sol sebepti óner­kásip salasynda, ekonomıkada ózgerister jasaý jáne eli­mizdi damytý jolynda jaýap­ty ári myqty kásipkerler qaýymy basty ról atqarady. Qazaqstanda shaǵyn jáne orta bıznesti órkendetýge basa mán beriledi. Sońǵy on jylda osy salanyń jalpy ishki ónimdegi úlesi eki ese ósip, 34 paıyzǵa jetti. Búginde bızneste 3,5 mln-nan astam adam eńbek etip júr. Osy ýaqyt ishin­de ulttyq kásipkerler pala­tasy memlekettiń tolyq­qandy áriptesine aınaldy. «Atamekenniń» mıkro jáne shaǵyn bıznesti qoldaýdaǵy, óńirdegi kásipkerlikti damytýda basymdyq bere otyryp, jasap jatqan aýqymdy ózgeristeri elimizdiń aldynda turǵan maqsat-mindetterge tolyq saı keledi. Sizderdiń aldaryńyzda memlekettik jáne salalyq baǵdarlamalar qabyldap, jú­zege asyrý, naryqqa sapaly sa­raptama jasaý úderisine qaty­sý úshin jańa tásilder ázir­leý mindeti tur», delingen Prezı­denttiń úndeýinde.

Sonymen qatar Memleket bas­shysynyń únedeýinde kásip­kerler palatasy otandyq bıznestiń básekege qabilet­tiligin arttyrýǵa, qyzmetin jaýapkershilikpen atqarýǵa yntalandyrýǵa jáne jumys oryn­daryn ashýǵa atsalysa otyryp, bılik pen isker azamat­tardy baılanystyratyn tıimdi arnaǵa aınalý tıis ekeni aı­tylǵan. «Atameken» taýar ót­kizý naryǵyn keńeıtýge ruqsat berý rásimderin jeńildetýge, memlekettik satyp alý jumy­synyń qoljetimdi bolýyna jáne sybaılas jemqorlyq qaperin azaıtýǵa barynsha septigin tıgizýi kerek.

Sondaı-aq Qasym-Jomart Toqaevtyń úndeýinde palata otandyq kásipkerlerliktiń betke ustar ókilderi men sha­ǵyn jáne orta bıznes sýbek­tileri arasynda ózara tıimdi yq­paldastyq ornatyp, úılesimdi jumys isteýin qamtamasyz etý jolynda mańyzdy ról atqa­ra­tyny málimdelgen. Mıkro jáne shaǵyn bıznes ókilderin tekserýge jarııalanǵan maratorıı taǵy bir jylǵa uzartylǵanyn da atap ótipti.

«Memleket shaǵyn jáne orta bıznestiń damýyna barynsha jaǵdaı jasap, kez kelgen zańdy kásipkerlik qyz­metke qoldaý kórsetedi, ony qorǵaıdy. Elimizde adal báseke, áleýmettik jaýapkershilik, jasampaz eńbek qundylyqtaryn basshylyqqa alatyn kásip­kerlerdiń jańa qaýymy qa­lyptasýy óte mańyzdy. Qazaqstanda bıznesti óńirlik qana emes, jahandyq deńgeıde órkendetýge mol múmkindik bar. Memleket palatamen birlesip, ulttyq ekonomıkany monopolııadan aryltý, naryqtardy ıgerý, barlyǵyna túsinikti ádil oıyn erejesin qalyptastyrý úshin júıeli jumysty jal­ǵas­tyrady. Memleket pen bız­nestiń birlesip jumys isteýi elimizdi áleýmettik-ekono­mı­kalyq turǵydan damytýǵa jáne halyqtyń ál-aýqatyn arttyrýǵa jol ashady degen senimdemin», delingen úndeýde.

Premer-Mınıstrdiń orynbasary – Qarjy mınıstri Erulan Jamaýbaev óz sózinde naqty sektor ekonomıka ósimi­niń mańyzdy draıveri bolyp qala beretinin jetkizdi. Atap aıtqanda, salalar boıynsha aýyl sharýashylyǵy, aqparat jáne baılanys, qurylys, kólik jáne qoımalaý, sondaı-aq óńdeý ónerkásibi men saýda joǵary ósýdi kórsetip keledi.

– Jeke bastamalardy qoldaý jáne damytý ekonomıkadaǵy shaǵyn jáne orta bıznes úlesin 2021 jyly 34 paıyzǵa de­ıin ulǵaıtýǵa múmkindik berdi. Ulttyq palatanyń bel­sendi qatysýymen 2021-2025 jyldarǵa arnalǵan kásip­kerlikti damytý jónindegi ult­tyq joba ázirlenip, iske asy­rylýda. Onyń sheńberinde bıznesti qoldaý jónindegi túrli quraldar shoǵyrlandyryldy. Sondaı-aq kásipkerlik belsen­dilikti yntalandyrýǵa jáne ká­siporyndardyń básekege qabilettiligin arttyrýǵa baǵyt­talǵan shaǵyn jáne orta bız­nesti damytýdyń 2030 jylǵa deıingi tujyrymdamasy qabyl­dandy. Investısııalyq ahýaldy jaqsartý maqsatynda Inves­tısııalyq saıasat tujy­rym­damasy bekitildi. Osy ba­ǵyttaǵy jumystyń negizgi vek­torlary aıqyndaldy jáne shamamen 30 trln teńgege 850 ınvestısııalyq jobadan turatyn pýl qalyptastyryldy. Qazirgi ýaqytta Memleket basshysynyń tapsyrmasyna sáıkes jańa Salyq kodeksin ázirleý bastaldy. Arnaıy jumys toby quryldy, onyń qu­ramyna ulttyq palata men bız­nes-qaýymdastyqtardyń ókilderi kirdi. Salyqtyq ákim­shilendirýdi jetildirýge erekshe nazar aýdarylatyn bolady, – dedi E.Jamaýbaev.

«Atameken» ulttyq kásip­kerler palatasynyń sezine respýblıkanyń bar­lyq óńirinen 300-den asa kásip­ker qatysty. Onda toǵyz má­sele qaraldy. Palatanyń atqa­rylǵan jumysynyń esebi tyń­daldy. Transformasııadan keıingi ulttyq palatanyń jańa tásilderi pysyqtaldy. Sondaı-aq jańadan qurylǵan Abaı, Jetisý jáne Ulytaý oblystarynda palatanyń óńirlik fılıaldary iske qosyldy.

– Bıylǵy sezd tarıhı erekshe kezeńde – elimizdiń stra­tegııalyq damýyn aıqyn­daı­tyn úlken naýqan kezinde uıymdastyryldy. Memleket basshysy Qasym-Jomart Kemelulynyń «Ádiletti Qazaqstan» qurýdaǵy baǵyt-baǵdary belgilendi. Osy basta­manyń sheńberinde «Ádiletti ekonomıka» qaǵıdasyna súıene otyryp, biz «Atameken» ulttyq kásipkerler palatasy retinde elimizdiń kásipkerlerine tolyq­taı jaǵdaı jasaý maqsa­tynda transformasııa keze­ńnen ótip jatyrmyz. Transfor­masııany sapaly iske asyrý úshin kúsh-jigerimizdi ju­myldyryp, úlken maqsatqa jetýimiz qajet. Bul – ortaq mindet jáne jaýapkershilik, – deıdi «Atameken» ulttyq kásipkerler palatasynyń basshysy Raıymbek Batalov.