Mańǵystaý oblysynyń shaǵyn jáne orta bıznes ókilderine kómek kórsetiledi. Bul týraly Prezıdent Qasym-Jomart Toqaev óńir jurtshylyǵymen kezdesýi barysynda aıtty, dep habarlaıdy Egemen.kz.
«Oblysta kásipkerlikti damytý úshin de zor múmkindikter bar. Sońǵy jyldary shaǵyn jáne orta bıznestiń ishki óńirlik ónimdegi úlesi 32 paıyzǵa jetti. Osy salada 140 myńǵa jýyq adam jumyspen qamtylǵan. О́ńdeý ónerkásibi, týrızm, saýda, sondaı-aq bilim berý jáne medısına salasynda kásipkerler sany artyp kele jatqany qýantady. Iаǵnı, oblys ekonomıkasy ártaraptana bastady deýge bolady. Aımaqtaǵy shaǵyn jáne orta bıznesti damytýǵa «Men – kásipkermin» jobasy tyń serpin bereri anyq», dep atap ótti Memleket basshysy.
Prezıdenttiń aıtýynsha, «Kásipkerlikti damytý» ulttyq jobasy aıasynda osy aımaqtyń shaǵyn jáne orta bıznes ókilderine kómek kórsetilýge tıis.
«Jalpy, ákimdik Úkimettiń qoldaýymen bıznesti yntalandyratyn jańa sharalar ázirleýi kerek», dep qosty Qasym-Jomart Toqaev.