Túrkııanyń syrtqy ister mınıstri Mevlút Chavýshoǵlý ońtústik megapolıstegi konsýldyqtyń ashylý saltanatyna keldi, dep habarlaıdy Egemen.kz.
Mevlút Chavýshoǵlý konsýldyqtyń ashylýy kóptegen máselelerdiń sheshilýine jáne eki halyqtyń baýyrlastyǵyn nyǵaıtýǵa yqpal etetinin atap ótti.
Sondaı-aq jaqyn arada Túrkistanda Túrkııanyń bas konsýldyǵy ashylady. Túrkııadan kelgen qonaq Shymkent qalasynyń ákimimen birge túrik qoǵamynyń ókilderimen kezdesti.
«Biz Shymkenttegi Túrkııa konsýldyǵynyń ashylýyna keldik. Jaqynda Túrkistanda Túrkııanyń bas konsýldyǵyn ashamyz. Baýyrlas qazaqstandyqtar men Túrkııa arasynda sapaly qyzmet kórsetiledi dep senemiz. Bizdi jaqsy qabyldaǵanyna óte qýanyshtymyz, kóp rahmet», dedi Túrkııa Syrtqy ister mınıstri Mevlút Chavýshoǵlý.
Sondaı-aq Túrkııanyń Syrtqy ister mınıstri qazaqtar men túrikterdiń ǵasyrlar boıy baýyrlas halyq bolǵanyn, olardyń dostyǵy jyldar ótken saıyn nyǵaıa túsetinin atap ótti.
«Qazaqstan Prezıdenti Túrkııaǵa kelgende memleket basshysymen birge dostyǵymyzdy nyǵaıtý maqsatynda kóptegen kelisimderge qol qoıdyq. Biz Astanada da mańyzdy qujattarǵa qol qoıdyq, qalaı qarasańyz da, biz baýyrlas halyqpyz, dostyǵymyz budan ári nyǵaıa túsedi», dedi Túrkııa syrtqy ister mınıstri.