Sınoptıkter 13,14 jáne 15 qarasha kúnderi keı óńirlerde tuman túsip, jaýyn-shashyn bolatynyn jáne jel kúsheıetinin habarlady, dep jazady Egemen.kz.
13 qarashada Atyraý oblysynyń basym bóliginde ońtústik-batystan, batystan jel soǵady, ekpini 15-20, kúndiz keı ýaqytta 23 m/s-ke jetedi.
Al Túrkistan oblysynyń ońtústiginde, batysynda, taýly jáne taý bókterli aýdandarynda tuman túsedi. Ońtústik-batystan jel soǵady, kúndiz taý asýlarynda ekpini 15-20 m/s quraıdy. 14 qarashada Túrkistan oblysynyń basym bóliginde jaýyn-shashyn (jańbyr, qar) bolýy yqtımal. Oblystyń ońtústiginde, batysynda, ortalyǵynda jáne taýly aýdandarynda tuman túsýi yqtımal.
13 qarasha Shymkentte tuman bolady.
Osy kúni Qyzylorda oblysynyń ońtústiginde tuman kútiledi. Jel ońtústikten, ońtústik-batystan soǵady, ekpini 25 m/s-ke jetedi. 13 qarashada túnde jáne tańerteń Mańǵystaý oblysynyń ońtústiginde, ortalyǵynda tuman bolýy múmkin.
13 qarashada Abaı oblysynyń batysynda, soltústiginde, ortalyǵynda ońtústikten, ońtústik-batystan soǵatyn jeldiń kúshi 15-20, ekpini 23 m/s bolady. 14-15 qarashada Jambyl oblysynda jaýyn-shashyn bolady.
Oblystyń soltústiginde, ońtústiginde, taýly aýdandarynda qatty jaýyn-shashyn (jańbyr, qar), al soltústiginde, taýly aýdandarynda tuman, kóktaıǵaq bolýy yqtımal. Qostanaı qalasynda 13 qarashada jaýyn-shashyn, kóktaıǵaq, burqasyn bolady.