Argentına prezıdenti Alberto Fernandes Balıdegi G20 sammıtiniń ashylýynan keıin dárigerler kómegine júgindi, dep habarlaıdy Egemen.kz.
Bul týraly seısenbide Argentınanyń memleket basshysy ákimshiliginiń baspasóz qyzmeti habarlaǵan.
«Búgin Argentına prezıdenti Alberto Fernandes qan qysymynyń kóterilgenin jáne basy aınalǵanyn aıtyp shaǵymdandy. Asqynýlardy boldyrmaý úshin dıagnostıkalyq tekserýden ótý týraly sheshim qabyldandy», delingen prezıdenttiń emdeýshi dárigeri qol qoıǵan málimdemede.
Endi sammıttegi kezdesýlerge prezıdenttiń ornyna Syrtqy ister mınıstri Santıago Kafıero qatysady.