Aqtaý qalasyndaǵy Abaı atyndaǵy Mádenıet saraıynda saılaýshylarmen kezdesken Qazaqstan Respýblıkasy prezıdenttigine kandıdat Nurlan Áýesbaev óńirdegi ózekti máselelerge qatysty oılaryn búkpesiz jetkizip, naqty usynystaryn aıtty.
Is-shara barysynda kandıdat jınalǵan qaýymǵa óziniń saılaýaldy baǵdarlamasynyń basym baǵyttary jóninde baıandap berdi. О́z sózinde Nurlan Áýesbaev batys óńirlerde ınfraqurylym máseleleriniń áli de túıini tarqamaı otyrǵanyn atap ótti.
Kandıdattyń pikirinshe, memleketti basqarý úlgisin prezıdenttik bılikten parlamenttik-prezıdenttik bılikke aýystyrý arqyly ǵana bul tyǵyryqtan shyǵýǵa bolady. Budan bólek Nurlan Áýesbaev óziniń saılaýaldy baǵdarlamasynda munaı-gaz sektorynyń iri kásiporyndaryn ulttandyrýdy usynady. «Tek osyndaı naqty qadamdar arqyly ǵana elimizdegi jumysshylardyń eńbek sharttaryn jaqsartýǵa bolady», deıdi ol.
Sonymen birge Nurlan Áýesbaevtyń saılaýaldy baǵdarlamasynda qazaqstandyqtardyń ómir sapasynyń standartyn engizý usynylady.