Prezıdenttikke kandıdattardyń biri – Nurlan Áýesbaev elordalyq saılaýshylarmen kezdesý barysynda jınalǵan qaýymǵa óziniń saılaýaldy baǵdarlamasynyń basym baǵyttary jóninde baıandap berdi.
Nurlan Áýesbaevtiń pikirinshe, memleket aldynda turǵan basty mindet – saıası júıe reformasy. Qazaqstan parlamenttik-prezıdenttik basqarý úlgisine ótýge tıis. Iаǵnı prezıdent ókilettigin qaıta qarastyrý qajet. Memleket basqarýdaǵy basty ról parlamentke tıesili bolýǵa tıis. Zań shyǵarýshy bul organdy qaıta jasaqtaý qajet. «Bul maqsattaǵy alǵashqy qadam Senatty joıýmen aıqyndalady. Májilisti kúsheıtý kerek. Buǵan qol jetkizý úshin kandıdat Májilis depýtattarynyń sanyn kóbeıtýdi usynady. Sonymen birge depýtattardyń 50%-y ǵana partııa tizimderi boıynsha saılanýǵa tıis. Halyq qalaýlylarynyń teń jartysy bir mandattyq okrýgterden, ózin-ózi saılaýshylardan quralýy qajet. Bul parlamentarııdiń elektorat aldyndaǵy jaýapkershiligin arttyrady», dedi ol.
Kezek kúttirmeıtin taǵy bir ózekti másele – ekonomıkaǵa tusaý bolyp otyrǵan jemqorlyq. Bul jaǵymsyz qubylysty joıý úshin kandıdat paraqorlarǵa qatysty jazany barynsha kúsheıtýdi usynyp otyr.