Qazaqstan 30 jyldyq táýelsiz damýdan keıin el damýyn tejeıtin birqatar júıeli máselege tap bolyp otyr.
Jemqorlyq memleketti basqarý júıesiniń tıimsiz jumys isteýine ákep soqtyrdy.
El ekonomıkasy – halyqtyń ıgiligine jumys istemeıtin olıgarhtardyń nemese kvazımemlekettik kompanııalardyń qolynda. Qatardaǵy qazaqstandyqtar jyl ótken saıyn kedeılene túsýde. Azyq-túlik baǵasynyń udaıy ósýi qalypty jaǵdaıǵa aınaldy. Halyqtyń nesıege degen táýeldiligi kúsheıip barady. Halyqty qutqarýǵa tıis áleýmettik ınfraqurylymnyń jaǵdaıy da máz emes.
Aýrýhanalardaǵy tósek-oryn jetkiliksizdigi pandemııa kezinde ólim kórsetkishin kóbeıtti. Mekteptegi oryn tapshylyǵy óskeleń urpaqtyń jarqyn bolashaqqa degen úmitin úzýde. Sapaly bilim ala almaǵan jastarymyz básekege qabiletsiz bolady.
Qoǵam, bıznes jáne memleketti tepe-teńdik jaǵdaıyna qaıtarý kerek: azamattarymyz qaıta paıda tabýy, bıznes olıgarhat pen memlekettiń qýdalaýy men qysymynan qoryqpaı, adal jumys isteýi.
JSDP urany – «Erkindik. Ádildik. Yntymaq!». Men ár sheshimi azamattarymyzdyń ıgiligine jumys istep, paıdasyna asyrylatyn áleýmettik-jaýapty tártipti ornata alatynymyzǵa senemin.
Paraqorlyqpen kúreste, ásirese saıası deńgeıde batyl sharalar qoldanylmasa, Qazaqstan turaqty damý jolyna túse almaıdy dep esepteımin.
Saıası júıeni ózgertip, memleket pen ekonomıkany ádil basqarýdy qalyptastyrý kerek. Qazaqstan parlamenttik-prezıdenttik respýblıkaǵa aınalýǵa tıis.
Senat taratylady, al Májilis zań shyǵaratyn jalǵyz bılik organy bolyp qalady. Depýtattardyń sany arttyrylady. Úkimetti Májilis quratyn bolady. Prezıdentte jaı ǵana mınıstrler kabınetiniń quramyn bekitý quqyǵy qalady. Májilis quramynyń 50%-y partııa tizimi boıynsha, al qalǵan 50%-y bir mandattyq okrýgtardan qurylady. Halyqtyq parlamenttik baqylaý – jemqorlyqtyń eń basty tosqaýyly.Korporatıvtik, olıgarhııalyq ekonomıka memlekettiń básekege qabilettiligin tómendetedi. Sanaýlylardyń paıdaǵa kenelip, mıllıondaǵan adamnyń kedeı kún keshýi – naǵyz jutaý.
Biz egjeı-tegjeıli tekserý júrgizip, urlanyp, offshorǵa jasyrylǵannyń bárin elimizge qaıtarýǵa mindettimiz. Jobalaı esep Ulttyq qorymyzdyń úsheýine teń keletin áleýet shet elde jatqanyn kórsetip otyr. Tabıǵı qazbalardy óndirýmen jáne eksporttaýmen aınalysatyn salalardy birte-birte memlekettendirýge baıqaý jarııalanady. Ulttyq óńdeýshi ónerkásipke basymdyq beriledi. Salyq saıasatyn tolyqtaı qaıta qarastyrýymyz kerek. Naryqta aýqymdy úlesti ıelenip otyrǵan kompanııalar men korporasııalar el bıýdjetine aıtarlyqtaı kóp tólem tóleýge tıis. Ol qarjy áleýmettik baǵdarlamalardy júzege asyrýǵa, memleket qaryzyn azaıtyp, Ulttyq qordy qutqarýǵa jumsalady. Biz monopolııaǵa qarsy senimdi tosqaýyl ornatamyz. Rasıonaldy kólemnen asyp túsken kez kelgen kompanııa Parlamenttiń nazaryna ilinip, halyq aldynda esep beredi.Memlekettiń qazirgi áleýmettik saıasaty qazaqstandyqtardy degradasııaǵa ushyratqanyn moıyndaýǵa májbúrmin. Balalar sapaly bilim, eresekter laıyqty medısınalyq qyzmet alyp jatqan joq.
Adam – meniń saıasatymnyń basty nazarynda.
Men adamnyń barlyq negizgi qajettiligi eskeriletin qazaqstandyqtardyń ómir sapasynyń standartyn engizemin. Medısına jáne bilim salasy bıýdjetten qarjylandyrylady. Ár salaǵa jylyna IJО́-niń eń kemi 5-7%-y bólinýi kerek. Biz azamattarǵa qansha mektep pen aýrýhana qajet bolsa, sonsha salatyn bolamyz. Men turǵyn úı baǵdarlamalaryn tolyqtaı qaıta qarastyramyn. Qazirgi kezde olar qurylys salýshylardyń múddesi men qaltasyna jumys isteýde. Bul jaǵdaı turǵyn úıdiń qymbattaýyna ákelip jatyr.Men Qazaqstannyń ıntegrasııalyq prosesterge qatysýyn qaıta qaraýǵa nıettimin. Meniń pozısııam – strategııalyq salalardaǵy qalypty proteksıonızmdi ustaný.
Sosıal-demokratııa baǵyty Qazaqstanǵa elde tártip ornatý jáne memlekettiń nazaryn halyqqa aýdartý úshin qajet.
Biz yntymaqtastyq, ádilettilik jáne erkindik arqyly qaıshylyqtar men júıeli máselelerdi jeńe alamyz degen senimdemiz.
Halyq bıligi men erkin qoǵam úshin!
Qazaqstan Respýblıkasynyń Prezıdenttigine úmitker N.S. Áýesbaevtiń saılaýaldy shtabymen ázirlendi. Tapsyrys berýshi: N.S. Áýesbaev QR Respýblıkalyq bıýdjetiniń qarjysynan tólendi