Premer-Mınıstrdiń orynbasary - Qarjy mınıstri Erulan Jamaýbaev Qazaqstandaǵy ınflıasııa ósimine boljam jasady, dep habarlaıdy Egemen.kz.
«Bıyl ınflıasııa 18,8% quraıdy. Bul sońǵy 10-15 jylda bolmaǵan joǵary kórsetkish. Eldegi qymbatshylyqtyń sebebi de osynda. Osy jyldyń sońynda, kelesi jyldyń basynda bizde ınflıasııanyń kúrt tómendeýi baıqalady dep úmittenemiz. Inflıasııanyń shyńy 20% deńgeıine jetip, keıin quldyraıdy», dep sendirdi mınıstr.
Erulan Jamaýbaevtyń aıtýynsha, kelesi jyldyń sońyna qaraı ınflıasııanyń ósimi eki esege deıin tómendeýi múmkin.
«Bıýdjette kórsetilgen boljam boıynsha, ınflıasııa 7,5%-dan 9,5%-ǵa deıin tómendeýi múmkin. 2023 jyldyń qorytyndysy boıynsha osyndaı kórsetkishke qol jetkizetin bolsaq, onda buny úlken jetistik dep sanaýǵa bolady», dep tolyqtyrdy Premer-Mınıstrdiń orynbasary.