Elimizde kezekten tys prezıdent saılaýy ótti. Basty ereksheligi – Konstıtýsııalyq ózgerister engizilgennen keıin, jańa formatta ótýi.
Jańa formatqa sáıkes prezıdent bir merzimge 7 jylǵa ǵana saılanady. Munyń bárine Qazaqstan halqy jalpyulttyq referendým kezinde qoldaý kórsetti. Ekinshiden, Memleket basshysy Qasym-Jomart Toqaevtyń 2019 jyldan bergi saıası reformalary aıasynda júzege asty. Iаǵnı prezıdenttiń ókilettiligin shekteý, sýperprezıdenttik bılikten tolyq klassıkalyq júıege ótý.
Bul saılaýdyń taǵy bir ereksheligi – jalpy elimizdegi saıası reformalar aıasyndaǵy demokratııalandyrý úderisiniń keń qulash jaıýy. Kúni keshe ótken úmitkerler arasyndaǵy teledebatta saılaýshylar tikeleı efırde, aldyn ala suraqtar jiberý arqyly ashyq suraqtaryn qoıýǵa múmkindik aldy. Saılaý úderisindegi taǵy bir oń ózgeris – baıqaýshylardyń kóptep qatysýy. Bul elimizdegi azamattyq pozısııasy bar belsendilerdiń saıası mádenıetiniń joǵarylaýyn kórsetedi.
Jeti jyldyq merzimniń basty artyqshylyǵy – bastalǵan reformany túpkilikti aıaqtaýǵa múmkindik beredi. Sondaı-aq saıası monopolııany joıýǵa baǵyttalǵan. Bir tulǵanyń kóp jyl bılikte otyrýyna, olıgopolııanyń, olıgarhııanyń qanat jaıýyna tosqaýyl qoıady. Sonymen qatar eldiń turaqtylyǵy men birligine basty kepil bolatyn tetikterdiń biri. Ásirese, qazirgideı geosaıası ahýal órshigen tusta osyndaı turaqtylyqty qamtamasyz etý úshin jeti jyldyq merzim ózektiligin kórsetedi.
Kez kelgen úmitker prezıdent bolǵannan keıin óziniń saılaýaldy baǵdarlamasyn júzege asyrýǵa den qoıady.
О́ıtkeni ol ekinshi merzimge daıyndaýǵa ýaqyt joǵaltpaı, ózi bastaǵan reformalardy tabysty júzege asyrýǵa den qoıady
Qazbek MAIGELDINOV,
Ulttyq quryltaı múshesi, saıasattanýshy