Qazaqstan standarttaý jáne metrologııa ınstıtýty «Kazstandart» Abaı, Jetisý, Ulytaý oblystary ákimdikteriniń jáne ESG Ulttyq klýbynyń ókilderimen keńes ótkizdi. Keńes barysynda ISO 37120 «Turaqty qalalar men qaýymdastyqtar. Qalada kórsetiletin qyzmetter men ómir súrý sapasynyń kórsetkishteri» dep atalatyn serııaly standarttar arqyly halyqtyń ómir súrý sapasyn jaqsartý múmkindikteri talqylandy.
Standart adamnyń ómir súrý sapasyna áser etetin 120-dan astam kórsetkishti, sonyń ishinde densaýlyq saqtaý, bilim berý, sport jáne mádenıet, telekommýnıkasııa, kólik, qala qurylysy, sý jáne t.b. boıynsha kórsetkishterdi qamtıdy.
О́mir súrý sapasy standarttaryn engizý ýaqyt óte kele halyqtyń ózgerip otyratyn qajettilikterin qadaǵalaýǵa, asa mańyzdy áleýmettik problemalardy aıqyndaýǵa, olardy sheshýge qatysýǵa, áleýmettik-ekonomıkalyq kórsetkishterdi arttyrý boıynsha maqsatqa saı baǵyttalǵan is-qımyldardy júzege asyrýǵa, basym baǵyttardy ajyrata bilýge jáne aqsha qarajatyn maqsatqa saı bólýge, sondaı-aq olardyń paıdalanylýyn baqylaýǵa múmkindik beredi.
«Búgingi tańda árbir turǵyn qaýipsiz jáne jańa daıyndalǵan tamaq ónimderin alýǵa, ózderine sapaly qyzmetter kórsetilýine múddeli. Bul kórsetkishterdiń barlyǵy standarttarda bar. Eń bastysy, qazir birlesken kúsh-jigermen Qazaqstannyń barlyq óńirlerinde osy standarttardy engizýdi qamtamasyz etý», dep atap ótti KazStandarttyń bas dırektory Ǵ.Muhambetov.
ESG Ulttyq klýbynyń ókilderi ISO 37 120 boıynsha ómir súrý sapasynyń kórsetkishterin esepteý kezindegi ózgeshelikter men qıyndyqtar týraly, osy jumysqa qatysýǵa daıyn ekendikteri týraly óz oılaryn bildirdi.
Keńes qorytyndysy boıynsha Almaty oblysynda, sondaı-aq Abaı, Jetisý, Ulytaý oblystarynda osy oblystar ákimdikteriniń, ESG Ulttyq klýbynyń ókilderinen ISO 37 120 engizý boıynsha jumys toptaryn qurý týraly sheshim qabyldandy, olar atalǵan oblystardyń halqynyń ómir súrý sapasynyń naqty jaı-kúıi boıynsha esepteý júrgizedi jáne olardy jaqsartý jóninde usynymdar ázirleıdi.
Eske sala ketsek, Memleket basshysy 2022 jylǵy 11 qańtarda Qazaqstan Respýblıkasy Parlamenti Májilisiniń otyrysynda sóılegen sózinde Qazaqstan halqynyń ál-aýqaty men ómir súrý sapasyn qamtamasyz etý mindetin qoıǵan bolatyn. Qoıylǵan mindetke qol jetkizý maqsatynda Qazaqstan Respýblıkasy Úkimetiniń 2022 jylǵa arnalǵan is-qımyl baǵdarlamasy (Qazaqstan Respýblıkasy Úkimetiniń 2022 jyldyń 25 sáýirindegi № 241 qaýlysy), sondaı-aq ony iske asyrý jónindegi is-sharalar jospary qabyldandy. Osy josparda «Ekonomıkadaǵy tehnıkalyq retteýdiń róli men fýnksııalaryn kúsheıtý arqyly taýarlardyń, jumystar men kórsetiletin qyzmetterdiń sapasyn, sondaı-aq halyqtyń ómiri men densaýlyǵynyń qaýipsizdigin arttyrý» dep atalatyn 33-tarmaǵy qamtylǵan.