24 saǵat

*Mysyrda ótken prezı­denttik saılaýda burynǵy qorǵanys mınıstri, otstav­ka­daǵy general Ábdel Fattah as-Sısı jeńiske jetti. «Mu­sylman baýyrlar» saılaý qorytyndylaryn moıyndamaıtynyn málimdedi. Biraq halyq­aralyq qoǵamdastyq saı­laýdyń barlyq halyqaralyq talaptarǵa saı ótkenin tanıtynyn habarlap úlgerdi. *Germanııanyń Maıns qalasynda 17-20 maýsym kúnderi áýe shabýyly­nan qor­ǵa­nys salasy boıynsha halyq­aralyq konferen­­sııa ótedi dep jospar­lanǵan. Sharany uıymdas­ty­rý­shylar oǵan qatysý týra­ly Reseıdiń tapsyrysyn qabyldamaı tastady. Más­keý muny atalǵan salada­ǵy yntymaqtastyqty toq­ta­tý­ǵa qadam dep baǵalap otyr. *Serbııa men Bosnııa jáne Gersegovınadaǵy sý tasqynynan Serbııada 51 adam, al Bosnııa jáne Gersegovınada 24 adam opat bolǵany belgili bolyp otyr. Bul elder tarıhynda buryn-sońdy bolyp kórmegen tabıǵat apaty aýyl sharýashylyǵy salasyna da zor kesapat ákeldi. Keıbir eldi mekender jermen-jeksen boldy. Halyqqa úkimet tarapynan járdem kerek. *Reseıde jańa súńgýir qaıyq synaqtan ótkizý úshin Baltyq teńizine túsirildi. «Varshavıanka» dep atalatyn dızeldi-elektrli súńgýir qaıyq synaqtan sátti ótken jaǵdaıda Qara teńiz flotyna jiberilmekshi. Onyń sý betindegi jyldamdyǵy 20 ýzeldi, súńgý tereńdigi 300 metrdi, avtonomdy júzýi 45 kún­di quraıdy. Ekıpajy – 52 adam. Sý astyndaǵy sý syı­ym­dylyǵy shamamen 4000 tonna. *Túrkııanyń konstıtý­sııa­lyq soty YouTube saıtyna tosqaýyl qoıylýyn zańsyz dep tapty. Konstıtýsııalyq sot beınehostıngke qol­je­timdilikti shekteý azamattardyń quqyn buzý dep sanaıdy. Al tos­qaýyl qoıýdyń bastamashysy eldiń premer-mınıstri Re­jep Taıyp Erdoǵan eken. Saıtta Túrkııanyń joǵary shen­di she­neýnikteri Sırııadaǵy ás­ke­rı operasııany talqylasa kerek. *Reseıdiń Máskeý qala­lyq soty erli-zaıypty Ma­gomed jáne Halımat Rasýlov­tardy sáıkesinshe 18 jáne 12,5 jylǵa túrmege qamaý týraly úkim shyǵardy. Olarǵa Matveev bazarynda tártip saq­shysyna shabýyl jasady degen aıyp taǵylypty. Erli-zaıyptylar polısııa 15 jastaǵy óspirim qyzdy zor­lamaq boldy degen kú­dik­pen ustamaq bolǵan Ma­gomed Ma­go­medovke arasha tússe kerek. *Qytaıda kóshedegi ájet­hana septıgine túsip ketken uıaly telefondy alýǵa áreket jasaǵan eki adam qaza taýyp, taǵy tórteýi zardap shekken. Bul oqıǵa Henan provınsııasynda oryn alǵan. Qaza bolǵandar qaltafonyn túsirip alǵan kelinshektiń kúıeýi men oǵan janushyryp kómekke umtylǵan anasy kórinedi. Aqparat agenttikteri materıaldary negizinde ázirlendi.